As rúas de Fonte Díaz, capital do Concello de Touro, enchéronse de público, máis de 2.000 persoas, para presenciar o XVI Slálom Concello de Touro. Participaron un total de 31 pilotos procedentes de toda Galicia, que cos seus coches percorreron un circuíto de 1,7 quilómetros. O sol animou a que os espectadores de toda a bisbarra de Santiagoacudisen á cita automobilística xa clásica. A maioría dos afeccionados que estaban hoxe en Touro eran mozas, que tamén particiaron na Festa dá Xuventude de Touro.
A proba é puntuable para o Campionato Galego de Slalom. A esta cita acudiu o piloto Iván Ares, actual campión Galego de Rallys2014, e Rubén Gandoy, líder do Campionato Galego de Slálom. Estes dous pilotos, xunto con Adrián Bouza, repartíronse os tres primeiros postos na rolda de adestramentos. Cando se envíó esta nota comezaba a primeira manga. Estaba previsto que a proba rematase en torno ás 19.30 horas.
Tamén participou o piloto Fernando Rico, que actualmente participa na Copa Suzuki. Da man do equipo Touro Motor competiron na proba automobilística automobilística tres pilotos locais: Iván Mareque, César Garabatos e Martín Fernández. A proba disputouse en dúas mangas.
